الأحد، 27 أكتوبر، 2013
===============
النهارده لقيت حد كاتب عالفيس بوك يناشد وزير الدفاع أن يُقيل حكومة الببلاوي ، آه و الله ده حصل ! ! طيب هو ينفع وزير يُقيل الوزارة كُلها برئيسها ؟ طيب لو أقال الوزارة مش هو عضو فيها ؟ هايستقيل معاها يعني ؟ ... طيب مش جماعة التفويض بتقول إن إحنا في تصحيح للمسار - اللامؤاخذة - الديموقراطي ؟ و إن ده مش إنقلاب و لكن ثورة إستجاب لها السوبرمان ! و إن فيه رئيس لامؤاخذة جمهورية موقوت ، قصدي مؤقت ، طيب يا عم مال وزير الدفاع بقى و إقالة حكومة الببلاوي المؤقته اللي عماله تطلع في قوانين ...دائمة ( أو هكذا يتوهمون ) !!!
بمناسبة القوانين أتذكر إن الأستاذ محمد حسنين هيكل في لقاءاته التفزيونية ( التمهيدية ) مع خميس أُنثى العنكبوت قبل ثورة وزيري الدفاع و الداخلية اللي هي مش إنقلاب ، ناشد مجلس الشورى ( وقتها ) ألا يتعجل الأمور و ينتظر إنتخاب مجلس الشعب و لا يتحول إلى " منصة " لإطلاق القوانين - بنص تعبيره - ، فما بالنا اليوم نرى الرئيس المؤقت و حكومته المؤقتة التي أتت بها " الثورة المؤقتة " يأخذون مصر في ماراثون إصدار قوانين دون إنتظار لمجلس شعب مُنتخب أو رئيس مُنتخب أو أي ريحة مُنتخب !!!
و " آخرة المتمة " جاي البعض يطالب " وزير الدفاع ( المؤقت بالمناسبة لعضويته في حكومة مؤقته ) بإقالة الحكومة !!! حاجه كده زي ما تطلُب من مُدرس الألعاب إنه يرفد ناظر المدرسة !! بس بيني و بينكم ... مُدرس الألعاب يقدر بحُكم إنه عضلات و المدرسة مسلماه شومه تم شرائها من المصاريف اللي بيدفعها التلامذة من عرق جبين أهاليهم !!!
توقيع : ولي أمر بيدفع ٢٠٪ كُل شهر من مُرتبه لشراء شوم !!!
بمناسبة القوانين أتذكر إن الأستاذ محمد حسنين هيكل في لقاءاته التفزيونية ( التمهيدية ) مع خميس أُنثى العنكبوت قبل ثورة وزيري الدفاع و الداخلية اللي هي مش إنقلاب ، ناشد مجلس الشورى ( وقتها ) ألا يتعجل الأمور و ينتظر إنتخاب مجلس الشعب و لا يتحول إلى " منصة " لإطلاق القوانين - بنص تعبيره - ، فما بالنا اليوم نرى الرئيس المؤقت و حكومته المؤقتة التي أتت بها " الثورة المؤقتة " يأخذون مصر في ماراثون إصدار قوانين دون إنتظار لمجلس شعب مُنتخب أو رئيس مُنتخب أو أي ريحة مُنتخب !!!
و " آخرة المتمة " جاي البعض يطالب " وزير الدفاع ( المؤقت بالمناسبة لعضويته في حكومة مؤقته ) بإقالة الحكومة !!! حاجه كده زي ما تطلُب من مُدرس الألعاب إنه يرفد ناظر المدرسة !! بس بيني و بينكم ... مُدرس الألعاب يقدر بحُكم إنه عضلات و المدرسة مسلماه شومه تم شرائها من المصاريف اللي بيدفعها التلامذة من عرق جبين أهاليهم !!!
توقيع : ولي أمر بيدفع ٢٠٪ كُل شهر من مُرتبه لشراء شوم !!!
طارق فهمي حسين
ليست هناك تعليقات:
إرسال تعليق